LAOAG CITY – Napaay ti Office of the Sergeant-at-Arms (OSAA) a maarestar ni suspended Bamban Mayor Alice Guo ken dadduma pay nga indibidual ken ti laeng Accountant ti Mayor a ni Nancy Jimenez Gamo ti nabirukan iti address-na ken agdama nga addan iti kustodiar ti Senado.
Inserbi ti Office of the Sergeant-at-Arms ti warrant of arrest kontra ken ni Guo ken pito a dadduma pay a pakairamanan da Dennis Lacson Cunanan, Gamo, Sheila Leal Guo, Wesley Leal Guo, Jian Zhong Guo, Seimen L. Guo ken Wenyi Lin.
Naikkan ti Office of the Sergeant-at-Arms ti 24 nga oras tapno iserbi ti warrant of arrest ken ibalud dagiti walo nga indibidual iti opisina daytoy agingga nga isuda ket sumango ken ag-witness iti sango ti komite.
Kabayatanna, inbilin ti komite ti Office of the Sergeant-at-Arms nga idanon ti inyisyuda a Subpoena Ad Testificandum kadagiti sumaganad nga indibidual: Jaimielyn S. Cruz, Roderick Paul B. Pujante, Juan Miguel Alpas, Katherine Cassandra Li Ong, Alberto Rodulfo “Ar” De La Serna, Ronelyn B. Baterna, Michael Bryce B. Mascarenas, Stephanie B. Mascarenas, Rodrigo A. Bande, Jing Gu, Xiang Tan, Daniel Salcedo, Jr., Chona A. Alejandre, Duanren Wu, Marion Ryan O. Chua, Julian M. Linsangan III, Josefina Mascarenas, ken Edwin C. no sadinno sumangoda iti Senado inton Lunes, Hulio 29.
