LAOAG CITY – Kinumpirmaran ni Dr. Renato Mateo, mangidadaulo iti City Health Office ditoy ciudad ti Laoag a nagnegatibo iti swab test ti OFW a naka-quarantine iti City Library.
Segun kenni Mateo, awan ti masapol a pagdanagan ti publiko gapo ta negatibo ti resulta ti swab test ti maseknan.
Maipalagip a nagpositibo ti OFW iti rapid test kalpasan a dimmalan amin dagiti naka-quarantine ditoy ciudad ti Laoag.
Mainaig iti daytoy, inlawlawag ni Mateo a ti rapid test ket 40% accuracy laeng ken ti posible a rason a nagpositibo iti test ket nakitaan ti simtomas ti covid-19.
