LAOAG CITY – Nakaawiden iti pagilian ti umuna a batch dagiti overseas Filipino Workers (OFWs) manipud Saudi Arabia kalpasan a tinulungan dagitoy ti Overseas Workers Welfare Administration (OWWA) ken Department of Migrant Workers (DMW) a nangorganisar ti biaheda kalpasan dagiti kanselasion ken pannakatantan ti flights iti Riyadh.
Simmangpet dagiti mangmangged a Pilipino iti Ninoy Aquino International Airport (NAIA) Terminal 3 ita nga aldaw ti Lunes, Oktubre 19, lugan ti Qatar Airways flight QR934 manipud Doha.
Segun ken ni Overseas Workers Welfare Administration (OWWA) Administrator Patricia Yvonne M. Caunan, napateg a siguradoen nga alisto ken naurnos ti panangsungbat iti kasapulan dagiti overseas Filipino workers ken ti panangipaay ti nalawag nga impormasion kadagiti pamiliada nga agur-uray iti panagawidda.
Nupay kasta, manamnama a sumangpet inton Martes, Oktubre 20 ti 65 pay nga overseas Filipino workers. Pakairamanan ditoy ti 50 a mangmangged manipud Al Qassim ken 15 a kababbaihan ket adda iti kustodiar ti Bahay Kalinga nga agbiahe manipud Damman.
Isaysayangkat ti panangpaawid maiyataday iti direktiba ni Presidente Ferdinand R. Marcos Jr. nga ipangruna ti kinatalged dagiti overseas Filipino workers iti babaen ti Saving Libes pillar ti Unified Package for Livelihoods, Industry, Food, and Transport (UPLIFT) Assistance Program.
Agtultuloy ti koordinasion ti Overseas Workers Welfare Administration (OWWA) ken Department of Migrant Workers (DMW), kabinnulig ti Philippine Embassy ken Migrant Workers Office iti Riyadh tapno maorganisar dagiti sumaruno a biahe ken matulungan ti sabali pay nga overseas Filipino worker nga agur-uray a manasubli iti pagilian.
