LAOAG CITY – Balligi a natiliw ti maysa a wanted person babaen iti nagtipon a pwersa ti PNP-Currimao ken ti PNP-Calevria iti probinsya ti Cagayan.
Segun kenni Police Captain Michael Permison, ti chief of police ti PNP-Currimao, ti suspek ket OFW manipud Oman, agtawen ti 31, naasawaan, ken residente iti Barangay Kaliwakiw, Salcedo, Ilocos Sur.
Inbatad na a ti suspek ket Top 2 Most Wanted Person idiay Cagayan gapo iti kaso na a rape.
Inlawlawag na a nakaawat da ti report a ti suspek ket nagsublin ditoy pagilyan manipud Oman, naswab test idiay Manila ken nagawid idiay Salcedo, Ilocos Sur ken uppat nga aldaw na pay laeng iti quarantine facility.
Ummuna iti daytoy, kuna ni Permison idi naawat da ti report ket inimpormaran na a dagus ni Police Major Raymond Bagayan ti chief of police ti Claveria PNP nga agtinnulong da iti pannakitinnulong pay ti Salcedo PNP para iti pannakatiliw ti suspek.
Innayon na nga iti agdama ket in-turn over da ti suspek iti PNP-Claveria.
