LAOAG CITY – Pimmusay ti maysa nga OFW a lalaki gapu ti COVID-19 idiay Saudi Arabia.
Inlawlawag ni Mr. Francisco Vidad, katugangan ti OFW a lalaki a pimmusay, ken residente iti Brgy. Cabungaan ditoy siudad ti Laoag nga 40 a tawenen nga agserserbi kas karpintero ti manugang na iti nasao a pagilian.
Kuna na nga idi Hunyo 7 ti naudi a panagsarita da Armando Matterig ken iti anak na nga adda met idiay Taiwan ngem saanen a nasunotan ti panagsarita da.
Naibaga ni Matterig iti anak na a marigatan nga umanges ken nakapsot ti bagi na ken inpagarup na nga addaan ti COVID-19.
Inbatad ni Vidad, idi Hunyo 27 a sinapul ti anak ti OFW ti facebook account ti kaubraan ti ama na idiay Saudi Arabia.
Nakasarita na ti kaubraan ti ama na agingga a naibaga ti maseknan iti ubing a Matterig a pimmusay idi rabii ti Hunyo 27.
Gapu iti daytoy, inbatad ni Mr. Vidad a napalaos ti panagladingit dagiti annak ken miembro ti pamilya ti Matterig kalpasan a pimmusay daytoy.
Inpakaammo na a dagus a naitabon ti katugangan na idiay Saudi Arabia.
Iti agdama ket naiget ti pannakikoordinar da iti employer ni Matterig no kasano a marekobre da dagiti gamit ni Matterig kasta met dagiti beneisyo ti OFW.
Kabayatanna, saan pay a nakasarita ti Bombo Rado Laoag ti asawa ni Matterig nga adda met idiay Hongkong.
