Iluko Version
OFW desk ti probinsiya ken OWWA, agtintinulong para iti pannakaipaay ti tulong dagiti napaay nga OFW
LAOAG CITY – Naiget ti panagkammayet ti OFW desk ti provincial capitol ken ti OWWA Region 1 tapno matulongan dagiti kaprobinsyaan nga Overseas Filipino Workers a saan a napagasatan a nagpaot iti ballasiw taaw.
Daytoy ket gapu ti pannaka-terminate dagiti OFWs iti trabaho da ken ti pannakamaltrato da.
Segun kenni Ms. Dolores Cortez, OFW Desk Officer, kangrunaan nga OFW ti naapektaran ket naggapu idiay Middle East.
Kuna na nga adda pay ti naggapu idiay Hongkong a nagpaot laeng ti uppat a bulan gapu ta saan a makapagkinnaawatan ti maseknan ken ti amo na.
Naiget met ti suporta ni Gov Imee Marcos para kadagiti OFWs tapno maikkan da ti tulong uray bassit a poonan babaen ti programa ti gobyerno probinsyal.
Naamuan nga adda pay ti financial loan assistance ti OWWA region 1.
