LAOAG CITY – Kinumpirmaran ni Mrs. Heidi Gampong, taga Brgy 4-A Saud iti ili a Badoc ken agpapaay kas OFW idiay Yau Tong, Hong Kong a mapaspasaran da ti napigsa a tudo ken angin gapo iti Bagyo Wipha.
Kunana nga agtalinaed da iti uneg ti pagtaengan ken nabalakadan da a saan a rumwar gapu kadagiti agtatayab a banag kas basura kada galba.
Kabayatanna, inbatad ni Ms. Leslie Rayuwan, taga-Pugon Burgos ken agpapaay idiay Taipho Hong Kong a normal a kondisyon ti paspasaren da iti nasao a lugar.
Segun kenkuana, awan met ti napigsa a tudo wenno angin iti ayan na a lugar.
Naamoan a nakaibayog ti signal number idiay Hong Kong a katukad ti signal 1 ditoy pagilyan.
