LAOAG CITY – Nagyaman ni Mrs. Angel Molinar, maysa fulltime mommy idiay Jarkata, Indonesia, tubo ti Calauan, Laguna, iti Bombo Radyo Laoag.
Daytoy ket gapu ti napasamak nga pannakarpoog ti maikadua a kadsaaran ti Jakarta Stock Exchange tower idiay Central Jakarta.
Kuna na a saan na a naamuan ti insidente no saan a naidanun kenkuana ti impormasyon babaen ti Bombo Radyo,
Segun kenni Molinar, insegida a tinawagan na dagiti papagayam na a Pilipino idiay Central Jakarta tapno amuen na ti sitwasyon dagitoy kalpasan a narpoog ti paset ti nasao a pasdek.
Inbatad na a basar kadagiti papagayam na ket adda dagiti Pilipino nga agtrab-trabaho kas accountant iti nasao a lugar.
Saan met a masinunuo ni Molinar no adda ti Pilipino a karaman kadagiti nasurok 50 a nasugatan.
