LAOAG CITY – Nagtalinaed iti kustudiyar ti PNP-Currimao ti maysa nga OFW kalpasan a natiliw babaen ti bileg ti warrant of arrest.
Nabigbig daytoy a ni Malyn Lagay y Ladip, agtawen ti 39, awanan ti asawa ken residente iti Barangay Sta. Cruz iti nasao nga ili.
Basar ti PNP-Currimao, idi Disyembre 6 ket simmangpet ni Lagay manipud iti ballasiw taaw ken idi Disyembre 7 ti pannakatiliw na gapo iti kaso a a theft wenno panagtakaw.
Ti nasao a warrant of arrest ket inparuk-at ti MTTC Branch 2 ditoy ciudad ti Laoag.
Narekomendaran daytoy nga agpyansa ti innem a ribo a pisos para iti temporaryo a pannakawaya-waya na.
