LAOAG CITY – Nakaawiden ti maysa nga Overseas Filipino Workers (OFW) manipud United Arab Emirates babaen ti programa ni Gov. Imee Marcos.
Nabigbig ti nasao nga OFW iti nagan laeng a Ronaly agtawen ti 29 ken taga Badoc Ilocos Norte.
Segun ken ni Mrs. Melbina Cainglit ina ti OFW, nalabit a saan koma a nakaawid ti balasang na no saan a tinulungan ti gobyerno babaen ti OFW ken OWWA.
Maipalagip a nagturong ti balasang a Cainglit idiay UAE idi Enero iti daytoy a tawen kas domestic helper ngem saan a napintas ti panangtrato kenkuana kas iti ado a trabaho na ken nagsakit a san da pinapaagasan rason a nagtalaw daytoy ken nagkamang iti Emnahada ti pagilian idiay UAE.
Iti agdama maiyur-uray ti pundo manipug OWWA nga usaren da para iti livelihood program a mapanunutan da nga iganat.
