LAOAG CITY – Saanen a mabaelan dagiti Overseas Filipino Workers idiay Canada ti kinakaru ti lamiis iti iseserrek ti tawen 2018.
Segun kenni Mr. Doville Ulep Edra, tubo ti Brgy 4 Sarrat, OFW idiay Alberta Canada, umabot ti (-36) celsius ti kalamiis ti temperatura a marikrikna da.
Kuna met ni Mr. Raymundo Nagayo Jr, tubo ti Brgy 6 Sarrat, immabot met ti (-9) ti temperatura da idiay Vancouver Canada.
Innayon na nga arig nga agbagbagyo ti niyebe iti lugar da gapu ti tiempo ti lammin.
Naamuan a dua a tattao ti natay iti Central America gapu ti kinalamiis ti tiempo no sadino nga apektaran ti wind chill manipud ti south Texas agpatingga idiay Canada ken manipud Montana agpatingga iti New England.
