LAOAG CITY – Naannad dagiti Pilipino iti pannakangilin ti Semana Santa idiay Israel gapu ti pangta ti seguridad.
Daytoy ti report ni Bombo Jovelle, ti Bombo International News Correspondent nga adda iti Tel Aviv, iti Israel.
Iti naobserbaran na iti aglawlaw ket adda dagiti napaspasamak a pammaltog ken pammagkong iti kallabes a poon ti pagamkan da a rumwar iti pagtaengan da iti nasao a pagilian.
Kuna na a no addaan kadagiti aktibidad iti Israel seknan iti Semana Santa ket karaget dagiti tattao nga agaramid ti maikanniwas iti linteg kangrunaan iti paggaaduan dagiti tattao.
Inbatad ni Jovelle a limitado ti garaw da a Pilipino ken adda ti pammilin ti Embahada ti Pilipinas a nakabase iti Tel Aviv a liklikan dagiti OFWs a rumwar no saan a napateg a kumikom.
Maipalagip a napasamak ti mass shooting iti central Tel Aviv idi Abril 7 a nakatayan ti dua a tattao ken nasugatan ti 9 a sabsabali pay.
