LAOAG CITY – Nakapasar ti nakaro a trauma dagiti oversease Filipino workers kalpasan ti nakaro a panagbettak iti agarup alas-singko ti malem idi kalman idiay Beirut, Lebanon.
Daytoy ti inbatad ni Ms. Sett Moral, OFW, ken tubo iti Ilagan City, Isabela.
Kuna na nga adda da iti agdama iti maysa a bantay a lugar ti pagtaengan ti mother-in-law ti amo na a lalaki kalpasan a pinananwan da ti mismo a balay a paggigiyanan da.
Segun kenni Moral, nabubuong ti sarming ti balay da iti nasao a siudad ken ti pagsayaatan na ket saan da a nadangran.
Kabayatanna, natalged met ti sitwasyon ni Ms. Ethel Lea Marie Alejandro Tuazon kalpasan ti napigsa a panagbettak a nakatayan dagiti adu a tattao.
Kuna na a mabutbuteng kalpasan a maipagarup nga adda ti pangta a gubat kontra iti Lebanon.
Inkarkararag ni Tuazon a saan a mapasamak daytoy a pangta gapu ta agrigat da nga OFWs.
Kinumpirmaran na nga awan pay ti naawat da a mensahe wenno pammilin manipud kadagiti ahensya ti gobyerno ti Pilipinas.
https://www.facebook.com/BomboLaoag/videos/292205442050615/
https://www.facebook.com/BomboLaoag/videos/598945370807084/
