LAOAG CITY – Nagpakadan dagiti agasawa nga isuda Ogie Alcasid ken Regine Velasquez iti Millennium Transmitter ti Kapamilya Network.
Mabirokan ti higante a tower iti paset ti Mother Ignacia Avenue ken Sgt.Esguerra Avenue, Quezon City.
Agkadua dagiti agasawa a nagpa-picture iti iconic transmitter wenno tower a nagserbi a paglasinan ti Kapamilya Network iti naunday a panawen.
Nupay kasta, nagdesision ti Kapamilya Network nga ilako iti Ayala Land Inc. ti dakkel a paset ti sanikuada.
Nakasuot da Ogie ken Regine ti agmaris a puraw a T-shirt nga addaan ti tatak a Batch 2017 ken Batch 2018 nga indikasion ti tawen a nagbalin a pasetda iti ASAP, ti Sunday noontime musical-variety show ti Kapamilya Network.
Maipalagip a nagselebrar ti ASAP ti maika-30 nga anibersario idi Domingo, Marso 2, 2025.
Naammoan a sakbayda nga immakar iti Kapamilya Network, dagiti pioneer host nga isuda Regine ken Ogie kadagiti Sunday noontime musical-variety program ti Kapuso Network a kalaban idi ti ASAP.
