LAOAG CITY – Nagyaman ni Vice Governor Matthew Marcos-Manotoc kadagiti amin a mangbukbukel ken tumultulong para iti pannakaisayangkat ti Little League Philippines Series 2026 ditoy ciudad ti Laoag.
Inbatad ti bise gobernador nga iti baet ti mapaspasaran a krisis gapu iti panagngato ti presyo dagiti produkto a petrolyo ket saan a nagbalin a tubeng para iti pannakaipatungpal ti Little League Philippines Series 2026.
Inkari ti bise gobernador a saan laeng a ti pannakisalip iti Little League Philippines Series 2026 dagiti delegasyon manipod iti nagduduma a paset ti pagilian ti umayda aramiden ditoy ciudad ti Laoag no di ket ado pay dagiti maidiaya kadakuada partikular ti panangpasyar da kadagiti agkakapintas a lugar ditoy Ilocos Norte.
Kabayatanna, indanun met ni Senador Bong Go ti mensahe na para kadagiti atleta ken mangbukbukel ti Nagyaman ni Vice Governor Matthew Marcos-Manotoc Little League Philippines Series 2026 babaen ti nangibagi kenkuana a ni Mayor Annea De Leon iti Sto. Domingo Ilocos Sur.
Iti mensahe ti senador nga inbasa ni Mayor de Leon, kuna na a ti kada ubing nga addaan ti arapaap ken disiplina iti sports ket maysa laengen nga addang ti aramiden na para iti napinpintas a masakbayan.
Kuna na a ti nasao nga aktibidad ket saan laeng a maipapan iti kompetisyon ngem ketdi isu pay ti gundaway tapno masursurwan dagiti atleta para iti nan-anay a panagbalin a nadisiplina ken ad-adda pay a madiskubre da ti kinatao da.
