LAOAG CITY – Naiget a naglikudan ni Ombudsman Boying Remulla ti alegasion nga adda ti ‘political persecution’ iti manarimaan a maimimbestigaran a da Senator Loren Legarda ken ni Batangas 1st District Representative Leandro Leviste.
Mainaig iti daytoy, mamati ni Remulla a ‘conflct of interest’ ti sangsangoen dagiti dua nga agpanpanday linteg iti isyu ti panangilako iti kumpanya ken kadagiti dadduma pay a sangsangoenda a reklamo.
Maipalgip a naipilaan ti reklamo da Senator Loren Legarda ken Rep. Leandro Leviste iti reklamo iti solar firm a maipagarup a saanda a tinungpal ti obligasionda a Solar Energy para iti Pilipinas kalpasan ti pannakaalada ti prangkisa.
Iti baet ti sangsangoenda nga alegasion, agtaltalinaed dagiti agina idiay ballasiw taaw.
Kabayatanna, nagpakada ni Rep. Leviste iti Kamara nga agingga laeng daytoy iti Setiembre 24 ngem agpapan ita, saan pay daytoy a simangpet manipud iti pagilian a nagturonganna ken idinto a ni Senator Legarda met ket namin-adun a daras nga impaatiddugna ti medical leave-na iti Senado sipud idi nagbiahe daytoy idi pay laeng bulan ti Agosto.
