LAOAG CITY – Inrekomendar ti Ombudsman’s Field Investigation Bureau ti pannakaipila ti kaso a plunder ken indirect bribery kontra ken ni Sen. Rodante Marcoleta kalpasan a mapapati a nakaawat daytoy iti P75 million a campaign donations idi napalabas a tawen.
Basar iti complaint-affidavit a napirmaan idi Mayo 18, inrekomendar dagiti inbestigador nga ikkan ti kaso ni Marcoleta iti plunder agraman ni dati a Quezon City 2nd District Rep. Mike Defensor ken dua pay nga indibidual a nagdonar iti senador.
Ti rekomendasion ket paset ti nalawlawa nga imbestigasion ti Ombudsman iti pannakausar ti pundo ti kampania ken posible a panaglabsing kadagiti linteg kontra korapsion.
Iti agdama, awan pay ti statement manipud iti kampo ni Marcoleta mainaig iti reklamo. Karaman dagiti dadduma nga indibidual a nadakamat ket awan pay ti aniaman a komentoda.
