LAOAG CITY – Kalikagum a mangbukel ni Ombudsman Jesus Crispin Remulla ti Special Division a mangtutok iti kaso ti maanomalya a flood control projects.
Daytoy ti inrakurakna iti media iti umuna nga aldawna kas baro nga Ombudsman.
Inbatad ni Remulla, sabali ti case build-up idi isuna pay laeng ti nakatugaw kas Justice Secretary gapu ta ti kitkitaen ita ket ti krimen nga inaramid wenno pakairamramanan dagiti public officials.
Nupay kasta, makisarita pay daytoy nga umuna iti Sandiganbayan ken Supreme Court tapno pagsaritaan ti posible a panangbukel ti nasao a dibision.
