LAOAG CITY – Kinuwestionaran ni Ombudsman Jesus Crispin ‘Boying’ Remulla ti kalidad dagiti proyekto nga ipatpatakder ti Department of Public Works and Highways (DPWH) para iti nagduduma nga ahensia ti gobierno.
Kunana a mabalin nga ad-adda a naurnos ti dadakkel a proyekto iti babaen ti public-private partnership (PPP).
Karaman kadagiti nadakamatna ti sumurok P9 billion nga UP-Philippine General Hospital Cancer Center nga awan ti maipagarup a naala a bidder.
Kinuwestion pay ni Remulla ti Bureau of Immigration building project nga addaan ti sumurok P8 billion a kunana a nabayagen a maipat-patakder.
Inbatadna pay iti National Bureau of Investigation nga imbes a mangipatakder ti baro a pasdek, mabalin daytoy a gumatang ti existing building iti probado a sektor.
Immanamong met ni DPWH Secretary Vince Dizon iti sumagmamno a punto ni Remulla, partikular iti panagusar ti public-private partnership (PPP) para iti dadakkel ken komplikado a proyekto.
Segun ken ni Dizon, mabalin a makatulong ti PPP tapno masigurado ti insigida a konstruksion, nangatngato a kalidad ken cost efficiency dagiti proyekto.
Inadmitir pay ni Dizon a saan daytoy a naragsakan iti kalidad ti sumagmamano a proyekto nga araramiden ti DPWH, pakairamanan ti Bureau of Immigration building.
