LAOAG CITY – Balligi a naisayangkat ti “One Barangay One Product” trade fair iti Laoag City hall ditoy siudad.
Mainaig iti daytoy, ti nadakamat a trade fair ket maysa kadagiti aktibidad ken maika-59 a Charter Month Celebration ken 4th Marunggay Festival.
Daytoy ket nagbalin a kas maysa a wagas tapnu maipakita dagiti naisangsangayan a lokal a produkto dagiti residente ditoy siudad ken tapnu makailako dagitoy ken maipakaammo iti merkado.
Malaksid iti daytoy, adda ti 12 a local exhibitor ti nakipagpaset iti nadakamat nga agktibidad.
Kabayatanna, inpadanon ni Mayor Micheal Marcos Keon ti panagyamanna iti City Agriculture Office nga idadauloan ni Engr. Shiela Opelac ken iti City Tourism Office nga idadauloan ni Ms. Angel Lao ken City Social Welfare Development Office nga idadauloan ni Ms. Perlita Cabello gapu iti panagtitinulongda tapnu maorganisar dagiti local producers.
