LAOAG CITY – Naipatungpalen ti Traffic Direction and Control wenno re-routing kadagiti agturong iti kamposanto iti Barangay 1 ditoy ciudad ti Laoag.
Segun kenni Police Chief Master Sergeant Eric Bumagat, ti mangidadaulo ti PNP Traffic Division ditoy ciudad ti Laoag, one-way laeng iti Rizal St a sumrek iti Maharlika Cemetery, iti Gomburza St. nga agpadaya, ken iti Barangay Hall iti barangay 1 a mapan iti Floral Garden Cemetery ken one-way met laeng nga agpadaya.
Inpetteng na kadagiti naidesignar nga one-way ket maiparit ti agparking ken adda dagiti traffic enforcers a nakabantay.
Kunana a manipud iti P. Gomez St. ket mabalin nga agpadaya wenno agpalud dagiti motorista.
