LAOAG CITY – Mangisayangkat ti Department of Trade and Industry (DTI) ti “Online Kapatid Mentor Me Program” wenno (KMMP) para kadagiti Small and Medium Enterprises ditoy ciudad ti Laoag.
Maipalagip nga idi koma Marso a naisayangkat daytoy a programa ngem naitantan gapu iti covid-19.
Segun ken ni Mrs. Maricon Racela, Senior Trade and Industry Development Specialist, babaen iti inisyatibo ti Center Entrepreneur Office, mangrugi ti nasao a programa ita nga aldaw, Abril 14.
Inpakaammo na nga iti kada lawas ket dua a sesyon ti maisayangkat, half day iti aldaw ti martes ken huwebes.
Kuna ni Racela, adda ti 10 a mentorship modules para kadagiti partisipantes.
Nupay kasta, inpakaammo na a dagiti partisipantes ket masapol nga addan ti maysa a tawen nga agop-operar iti negosyo.
