LAOAG CITY – Inbutaktak ni Elon Musk nga inatake ti cyber-attack ti online platform-na nga “X”.
Inbatadna a rinibu nga “X” wenno ti dati a Twitter ti nagreklamo a saan a maka-access ti account dagitoy.
Naammoan nga uray awan ti ebidensia ket nailadawan daytoy kas ti napasamak a cyber-attack iti nasao nga online platform idi inrakurakda a maaddaan ti stream ti interbyu ken ni United States President Donald Trump.
Kaaduan kadagiti naapektaran itay parbangon ita nga aldaw ti Martes ditoy Pilipinas pakairamanan iti Asya, Europe ken North America.
Mainaig iti daytoy, kalpasan ti sumurok dua nga oras ket nagsublin iti normal ti nasao nga online site.
Maipalagip nga idi 2022 idi nagatang ni Musk ti Twitter iti balor a $44 bilyon ken sinuktanna ti X.
