LAOAG CITY – Naapektaran ti operasion ti European airports pakairamanan ti Heathrow, Brussels ken Berlin Airport.
Ti cyberattack ti maysa a mangipapaay iti check-in ken boarding systems ti nangitunda ti pannakaapektar ti operasion kadagiti sumagmamano a kangrunaan nga eropuerto ti Europa a pakairamanan ti Heathrow ti London, ti kaaduan ti tao iti kontinente rason ti pannakaitantan ken pannakakanselar kadagiti flights ita nga aldaw ti Sabado.
Basar iti Heathrow Airport, ti Collins Aerospace a mangipapaay kadagiti sistema para iti sumagmamano a kompania ti eroplano kadagiti eropuerto iti sangalubongan ket makapaspasar iti teknikal nga isyu a mabalin a pakaigapuan ti pannakaitantan para kadagiti pumanaw a pasahero.
Malaksid iti daytoy, naapektaran met ti Brussels Airport ken Berlin Airport iti nasao a cyberattack.
Naammoan a ti cyberattack ket nag-rendered kadagiti automated systems a saan a makapagtrabaho a mangipalubos laeng kadagiti manual check-in ken boarding procedures kas maibasar iti website ti Brussels Airport.
Kabayatanna, dagiti pasahero nga addaan iti biahe a naikeddeng iti Sabado ket binalakadan dagiti naapektaran nga eropuerto a kumpirmarenda ti panagbiaheda kadagiti kompania ti eroplano sakbay nga agturongda iti eropuerto.
