LAOAG CITY – Manamnama ti panagsubli ti operasyon dagiti provincial public utulity buses nga agturong ken aggapo iti Metro Manila intuno Enero 31 ita a tawen.
Daytoy ket babaen iti inyetnag ni Governor Matthew Marcos Matoc ti executive order no. 113-21 series of 2020.
Segen ken ni Mr. Perry Martinez, mangidadaulo ti Metro Ilocos Norte Council (MINC) iti gobierno probinsyal, apaman a naaprubaran ti panagsubli ti operasyon dagiti bus, nagsurat n Governor Matthew Marcos Manotoc iti LRFRB a maipalubos ti panagaoperar ti provincial buses laketdi masurot dagiti inlangalong na protocols.
Basar iti EO, adda ti 44 a bus ti napalubusan nga agoperar a a pakaibilangan ti 26 a units iti Laoag-Manila route (vise versa) idinto a 18 ti napalubusan a Pagudpud-Manila (vice versa) route.
Mainaig iti daytoy, inlawlawag ni Martines a palubusan laeng ti gobierno probinsyal ti panagserrek ti 20 a bus iti kada aldaw iti oras ti alas siete ti bigat agingga iti alas sais ti rabii.
Kabayatanna, maiparit ti pick-up ken drop-off kadagiti pasahero gapu ta point ti point ti biyahe wenno iti laeng terminal ti mabalin a pagbabaan ken pagluganan dagiti pasahero.
Naamoan a masapol a nakabook dagiti pasahero ti panagbiyahe da, 48 nga oras sakbay ti naituding a biyahe dagitoy.
Mainaig iti daytoy, kasapulan nga isubmitir dagiti bus operators ti passenger manifest dagiti pasahero no sadinno a ditoy a nakaipalaon ti nagan dagiti pasahero, LGU of destination, classification of passenger (RR, LSI, ROFs, APOR, Tourist), ken contact number.
Kunana ni Martinez a ti pagbabaan dagiti returning residents ket iti Badoc Border no sadinno a ditoy a sundwen ti LGU idinto a dagiti met APOR ken turista ket iti Pinili Triage.
