LAOAG CITY – Rinugianen ti PNP-Laoag ti nagpatrolya tapno ipatungpal da ti Anti Tambay Operation kadagiti igid ti kalkalsada ti Ciudad ti laoag.
Kinumpirmaran daytoy ni P/Supt. Dominic Guererro, Hepe ti Pulisya ti ciudad ti Laoag.
Segun kenkuana, adan dwa a rabii nga inaramaid da ti panagpatrolya a no sadinno a ti ar-aramiden da ket bagaan da pay laeng dagiti makita da a nakatambay panggep ti nasao nga operasyon.
Kuna na a kalpasanto ti “information dessimination” nga ar-aramiden da ket awanton ti rason nga agtiliw da.
Inlawlawag ni Guererro a malaksid ti mandar ni Pres. Rodrigo Duterte a pagibasaran da iti nasao nga operasyon ket adda pay ti ordinansa ti ciudad a pagibasaran da iti daytoy.
Kunana a no iti likmot ti balay ti pakakitaan dagiti tambay ken aggi-inum dagitoy, saan da la ketdi a naringgor ket bay-an da dagitoy.
Inlawalwag na gagem ti nasao nga addang ket para met laeng ti proteksiyon dagiti umili babaen kadagiti madi ti aramid na.
Kabayatan na, linalawagan ni Guererro a saan a mairaman iti pannakasita dagiti magmagna a tattao kadagiti kalsada la ketdi dagitoy ket saan a menor de edad ken awan ti kadwa da nga addaan ti umno a tawen.
Segun kenkuana, awan la ketdi ti madi nga aramid ti magmagna ket awan ti rason tapno sitaen da uray dis-orasen ti rabii.
Nupay kasta, kuna na a no menor de-edad ti makita da ken awan kadwa da a nataengan ket tiliwen da kalpasan na amwen da no ania ti nagan na, taga ano ken no apay nga agwarngwarang pay laeng iti kaltaang ti rabii.
