LAOAG CITY – Naisardeng ti operasyon dagiti dua a kompanya ti door-to-door a kukua ti taga probinsya ti Cagayan ken Ilocos Norte.
Daytoy ti inpakaammo ni Bombo Correspondent Manny Pascua idiay Hawaii gapu ti amak da a kwestiyonaran ti Federal government ti Estados Unidos.
Kuna na a nagdesisyon dagiti akin kukua ti door-to-door company nga isardeng ti operasyon da gapu ta maysa a door-to-door company ti naiwayatan ti audit itay kallabes.
Mainaig iti daytoy, inbatad ni Pascua a taga segundo distrito ti Ilocos Norte ti akin kukua ti maysa a door-to-door company idiay Hawaii.
Inpakaammo na a namunganay ti pannakaisardeng ti operasyon dagiti nasao a kompanya gapu ti pannakairaman ti maysa a leader ti relihiyon iti money laudering wenno panagipalusot ti dakkel a gatad a mapan ditoy Pilipinas itay kallabes.
Innayon ni Pascua a kinita amin dagiti otoridad dagiti money remittances mainaig ti napasamak rason ti pannakairamraman dagiti door-to-door company.
