LAOAG CITY – Inbatad ni PMaj. Arnel Tabaog, ti hepe iti PNP-Bacarra a naipasardeng ti operasyon ti drop ball iti uneg ti peryaan iti nasao nga ili.
Kuna na a daytoy ket naaramid nga addang kalpasan nga adda dagiti dimmanon a report seknan iti operasyon ti maibilang nga iligal a sugal.
Immuna iti daytoy, kuna ni Tabaog a saan a naripar a dagus ti pannakamonitor iti nasao a peryaan kangrunaan dagiti agpop-operar a drop ball gapu iti naruay a kumikom ti kapulisan kangrunaan iti panagbisita dagiti opisyal ti regional office.
Innayun na a laketdi adda met ti permit dagiti peryaan ket mabalin nga agoperar ken ti paggapoan daytoy ti maseknan a lokal a gobierno.
Kabaytanna, inpakaammo ni Tabaog a dagus a nagkiddaw iti manager ti peryaan a a maipakita dagiti nasken a dokumento para iti panagoperar daytoy.
