LAOAG CITY – Nagbaliw ti operasyon slaughter house ditoy siudad ti Laoag kalpasan a naipatungpal ti total lockdown ditoy probinsya.
Segun kenni Mr. Orlando Viloria, meat inspector iti nasao a pasilidad, agoperar ti slaughter house iti alas dos ti parabangon agpatingga iti alas dies ti bigat iti agdama.
Kuna na a ti dati nga oras ti operasyon da ket alas onse ti rabii agpatingga iti alas nuebe ti bigat.
Inbatad ni Viloria a bimmaba met ti bilang dagiti maparparti iti slaughter house nga umabot iti nasurok 80 a baboy, ken 4 a baka.
Ti dati a bilang dagiti maparparti ket umabot ti nasurok 100 a baboy ken walo agingga iti 10 a baka.
Inbunannag pay ni Viloria a nangiyestablisar dagiti sumagmamano a barangay ti talipapa.
Inlawlawag na nga umay agparti dagiti maseknan iti slaughter house ken ilako da dagiti karne iti barangay da.
