LAOAG CITY – Manamnama nga agsublin ti operasyon ti OMNICO iti ili ti Sarrat iti umay a lawas kalpasan a naibabawi ti Cease and Desist Order (CDO) nga inserbi ti DENR itay kallabes.
Inlawlawag ni Engr. Roque Balmes, mining engr. ti nasao a pasdek a masapol a wadaan da pay laeng ti dalan a mapan iti quarry site gapo ta nagaburan gapu iti panagtutudo na itay kallabes.
Kuna na a daytoy ti makaigapu a saan da pay laeng a mabalin ti agoperar a dagus kalpasan a naibabawin ti CDO a naiserbi iti Omnico itay kallabes.
Mainaig iti daytoy, nagyaman ni Balmes iti DENR iti panangibabawi da ti CDO nupay dakkel ti napukaw kadakuada iti panagsardeng ti operasyon da.
