LAOAG CITY – Nagsagaba ti sugat iti bibig ti maysa a babai babaen kadagiti nabuong a sarming ti lugan na kalpasan a pinaltogan ti saan pay a nabigbig a dua a lallaki iti San Nicolas-Paoay Road, bisinidad ti Barangay 18 iti ili ti San Nicolas.
Ti biktima ket agtawen ti 28, awanan ti asawa, operation manager at sand dunes.
Basar iti imbestigasyon ti Philippine National Police iti ili ti San Nicolas, ti biktima ket agpaamyanan a nakalugan ti Geely Coolray, colored white nga addaan ti Plate Number NGY 9548 ken idi nakadanon iti nakapasamakan ti insidente ket immabay kenkuana dagiti dua a lalaki a nakalugan ti Metallic Gray Innova ken pinaltogan da daytoy iti naminsan a daras.
Nupay kasta, saan a natamaan ti biktima babaen iti paltog ngem nasugatan ti bibig na gapo iti nabuong a sarming ti lugan na.
Kalpasan daytoy, pinataray ti biktima ti lugan na ken sinurot dagiti suspek ngem idi nakadanon iti residential area iti Barangay 17, Sta Asuncion ken simrek iti maysa a balay.
Gapo iti daytoy, dagus a naglibas dagiti suspek a nagpaamyanan.
Kabayatanna, agtultuloy met ti imbestigasyon dagiti otoridad mainaig iti insidente.
