LAOAG CITY – Naarestar ti agnagan ti Jonathan Publico y Policarpio agtawen 38, addaan ti asawa Operator ti pay loader ken residente ti Sitio Nagcaluan Bgy. Tabug iti ciudad ti Batac.
Daytoy ket kalpasan ti naisayangkat a naimballligian a drug buy operation kontra iti daytoy babaen ti PNP ti nasao a ciudad.
Segun ken ni P/C/Inps. Rodelio Santos, Hepe ti Pulisya ti nasao nga ili, naala iti ikot ni Publico ti maysa a bassit a plasctic sachet a naglaon iti maatap a nagango a bulong ti marijuana ken ti buy bust money a 500 a pisos babaen iti maysa a pulis a nagpammarang a gumatang iti maipawil a droga.
Kuna ni Santos a malaksid iti nasao a banag, nakaala da pay ti dua a babasit a plastic sachet a naglaon iti nasao met la a maipawil a droga kalpasan a kinapkapan da daytoy, pito a ribo a pisos a kuwarta na ken innalada pay ti motorsiklo na a maatap nga usa-saren na iti nasao nga illegal nga aktibidad.
Kunana a ti pannakatiliw ken ni Publico ket immatangaan dagiti opisyales ti barangay ken maibilang daytoy a newly identified a drug personality ken saan daytoy a simmuko.
Maisagsaganan ti kaso a maipila kontra iti nasao a suspek.
