LAOAG CITY – Rinaot dagiti otoridad ti opisina ni South Korean President Yoon Suk Yeol kabayatan ti imbestigasyon gapu iti apagbiit a panangideklarar na ti martial law.
Inyuswat ti Special Investigation Team ti raid iti presidential office, National Police Agency, Seoul Metropolitan Police Agency ken National Assembly Security Service.
Basar iti report, awan ni Presidente Yoon iti presidential compound idi maiyuswat ti raid ken ti official residence na ket adda iti sabali a lokasyon.
Saan pay a nagpakpakita iti publiko ti presidente sipud nagkiddaw ti pammakawan idi sabado iti panangideklarar na ti martial law.
Immunan a napawilan ni Yoon a rumuwar iti South Korea kas paset ti insurrection probe iti inner circle na kalpasan ti dagus a panangibabawi na ti indeklarar na a martial law idi Disyembre 3.
