LAOAG CITY – Inbatad ni Police Capt. Joseph Tayaban, ti chief of police iti ili ti Badoc nga awan pay ti naiparuk-at nga opisyal a resulta ti naisayangkat a contact tracing iti nasao nga ili.
Daytoy ket kalpasan a nagpositibo ti covid-19 ti maysa a residente iti Barangay Paltit iti nasao nga ili a ni IN-C67.
Immuna iti daytoy, adda ti naiparuk-at a datos no sadinno a nailanad ditoy nga umabot iti 95 dagiti nakapulapol ni IN-67 iti ili ti Badoc ken dadduma pay nga ili ditoy probinsya.
Nupay kasta, iti interview ti Bombo Radyo Laoag ken ni Tayaban, inbaga na a saan nga opisyal ti naiparuk-at a datos ken masapol nga adda koma ti perma ti Municipal Health Officer (MHO) iti ili ti Badoc.
Innayon na a ti otorisado a mangiparuk-at ti resulta ket ti laeng MHO ti nasao nga ili.
