LAOAG CITY – Naladingit dagiti opisyal, faculty ken dagiti mangisursuro ti Mariano Marcos State University ditoy Ilocos Norte iti pannakatambang ti presidente ti Philippine Association of States Universities and Colleges (PASUC) idiay Cagayan de Oro City.
Iti pannakiuman ti Bombo Radyo Laoag kenni Prof. Marcial Gabriel, kameng ti Board of Regents ti MMSU, naklaat da lattan idi naamuan da a natayen ni Dr. Ricardo Rotoras, presidente ti PASUC iti tawen na nga 48.
Kuna na a naam-ammo na ni Rotoras idi tawen 2008, gapu ta maysa kadagiti makipaspaset iti national meeting ti PASUC.
Ita nga agplanplano da no kaano ti panagturong da idiay Cagayan de Oro City tapno makiladingit iti pannakatay ni Dr. Rotoras.
Ikiddaw da pay a naka-half mast ti bandera ti Pilipinas para kenni Rotoras.
