LAOAG CITY – Isagsaganan ti PNP-Pasuquin ti reklamo a maipila kontra kada Gerald Padaong ken Angel Calicad agpada nga adaan ti umno a tawen, awanan sawa ken residente iti Bgy. Nalvo iti nasao nga ili.
Daytoy ket kalpasan a pinobrobokar da ken pinaputukan da dagiti Bgy. Officials ken Bgy. Tanod ti nasao a barangay bayat ti meeting da iti Bgy. Outpost ti nasao a barangay idi rabii.
Daytoy ti inbatad ni P/C/Insp. Joseph Baltazar, Chief of Police ti nasao nga ili.
Segun ken ni Baltazar, madama ti meeting dagiti nasao a personalidad idi lumabas ti Padaong a nakalugan ti motorsiklo na nga ingget ringgor na gapu ta awan ti muffler na ket inanawa ti Chief Tanod.
Kinagura ni Padaong ti pannaktinggar na ket nagpangta nga agsubli ket idi agsublin bitbit na ti maysa a paltog a kalibre 9 mm ken kadwa na ti tallo a sabsabali pay.
Dita a pianturngan dagiti agmi-meeting kageddan ti panagputok ti paltog ngem awan ti natamaan.
Kuna na ni Baltazar a kalpasan ti insidente ket nagtalaw dagiti suspek.
Rumrumwar nga inted ni Padaong ti paltog ken ni Calicad nga itan ket saadan a mabirukan pay.
Rumrumwar a ti motibo ti nasao a pasamak ket posible a pulitika gapu ta naabak ti ama ni Padaong a Bgy. Chairman itay kallabes nga eleksiyon.
Innayon ni Baltazar a matiliw da man dagiti suspek wenno saan ket ipila da ti kaso a panagsalungasing ti RA 1059,
Disobedience, Direct Assault Upon in Person in Authority ken attempted muder.
