LAOAG CITY – Naipaayan ti pammigbig ken insentibo babaen ti maysa nga ordinansa dagiti residente ditoy ciudad ti Laoag nagtakem kas opisyal ti barangay iti 3 a termino.
Segun iti bise mayor ditoy ciudad, naipasa ti ordinansa a pannakaipaay ti pammadayaw kadagiti kapitan ken kagawad kabayatan ti 14th regular session iti 12th sanggunian idi Oktubre 2022.
Kunana a dagiti kapitan ket makaawat ti 10 ribo a pisos idinto a 5 ribo a pisos met kadagiti kagawad.
Inrakurak na a sipud naipatungpal ti ordinansa ket addan ti 17 a kapitan ken 70 a brgy. kagawad ditoy ciudad ti Laoag a naipaayan ti pammigbig ken insentibo.
