LAOAG CITY – Saan a makalusot dagiti opisyal ti barangay a naduktalan a responsable iti pannakaikapet ti linya ti kuryente manipud iti street lights ken naikunektar kadagiti kubo-kubo iti isasango da ti kaso administratibo ken kaso kriminal.
Daytoy ti imbatad ni Atty. Marlon Wayne Manuel, legal officer ti ciudad ti Laoag.
Kuna na nga uray binayadan da ti multa da ket saan da a makalusot kadagiti kaso a sangwen da.
Inlawlawag ti abogado nga adda masurot a proseso a saan a kayan-kayat ti panagikapet ti linya ti kuryente manipud iti nasao a silaw.
Maipalagip a dagiti madakdakamat a barangay ket ti Brgy. 30-B Sta Maria a no sadinno a Konsehal ti adda pannakanaig na ken iti Brgy. Araniw ken Brgy. 59-B Dibua North a no sadinno a dagiti kapitan ti barangay dagiti adda pannakainig na iti nasao a pasamak.
