LAOAG CITY – Naglikudan ni Brgy chairman Oliver Balite iti Barangay Naglicuan, Pasuquin, Ilocos Norte nga adda dagiti residente nga agkalkali kadagiti itlog ti pawikan iti nadakamat a barangay.
Immunan ti daytoy, adda dagiti reports a dimmanon ditoy bombo radyo nga adda dagiti sumagmamano a residente iti nadakamat a barangay a maipagarup nga agkalkali kadagiti nadakamat nga itlog.
Maipalagip nga adda ti pawikan a nagpaigid iti nadakamat a barangay tapnu agitlog itay bulan ti oktubre.
Kinumpirmaran ni Balite nga adda ti nasurok a 90 nga itlog nga inbati ti nasao a pawikan iti nadakamat a barangay.
Inbatad ni Balite a tapno masigurado dagiti kameng ti BFAR nga agpissa amin dagiti itlog ti pawikan ket kinali dagiti kameng ti nasao nga ahensya dagiti itlog ken inpan da ti nangatngato a lugar tapnu saan a kamangen ti allon manipud iti baybay.
Innayon ni Balite a ti mangpessa kadagiti itlog ti pawikan ket ti pudot ti darat.
