LAOAG CITY – Exempted iti visa dagiti opisyal ti gobierno a kayat na ti bumisita iti Japan.
Daytoy ti inrakurak ni Japan Prime Minister Fumio Kishida.
Inaramid daytoy ni Kishida kabayatan ti naiyuswat a Summit-Level Working Dinner kadwa na ni Presidente Ferdinand Bongbong Marcos Jr.
Nabara nga inawat ni Presidente Marcos ti nagbalin a desisyon prime minister ken inrakurak na ti namnama na a mabukel ti nasao a momentum tapno ad-adda pay a mapaalisto ti people-to-people exchanges iti nagbaetan ti dua a pagilyan.
Saan pay nga inpublikar ni Prime Minister Fumio Kishida no kaano nga agepekto ti nasao nga addang.
Iti agdama ket adda paylaeng ni Presidente Marcos idiay Tokyo para iti maysa nga opisyal a panagbisita no sadinno a 35 investment deal iti imprastraktura, enerhiya ken dadduma pay ti pinirmaan ti gobierno ti dua a pagilyan.
Agawid ti Presidente ditoy pagilyan ita met laeng nga aldaw, Pebrero 12, 2023.
