LAOAG CITY – Target dagiti opisyal ti Pilipinas ken Amerika ti mangiwayat ti masansan a komunikasyon iti baet ti tension iti West Philippine Sea.
Paset pay laeng daytoy ti panagkumit a mangpapigsa iti aliansa ti Estados Unidos ken Pilipinas a mangsuporta iti pannakwaya ti Indo-Pacific region.
Naaramid daytoy a plano kalpasan ti panagsarita da US Defense Chief Lloyd Austin ken Department of National Defense (DND) chief Gibo Teodoro iti telepono idi napan a lawas no sadinno nagsaritaan dagiti dua nga opisial ti kinapateg ti pannakapreserba ti karbengan ti amin a nasion nga aglayag a natalged uray nudtoy ti papanan da iti babaen ti international law.
Kabayatanna, idi Hulio 16, ket nakipagkita ni United States Joint Chiefs of Staff chairman Gen. CQ Brown Jr. ken ni Department of National Defense Sec. Teodoro, National Security Advisor Eduardo Año, ken ti Armed Forces of the Philippines Chief of Staff Gen. Romeo Brawner Jr., no sadino a naipaganetget ti panagkumit ti dua a pagilian para kadagiti singgalutda iti depensa ken regional security gapu ta napateg ti aliansa dagiti dua para iti nawaya ken natalged nga Indo-Pacific.
