LAOAG CITY – Naglikudan ni Barangay Chairman Jerry Corpuz iti Brgy. 62-A Navotas ditoy siudad ti Laoag a saan da a nangipaay ti relief goods kadagiti kabarangayan da a naapektaran ti lockdown itay kallabes.
Kuna na a nangrugi a nangipaay da ti relief goods kadagiti sumagmamano a pamilya idi Enero 1, 3 ken Enero 10.
Inbatad ni Corpuz a malaksid kadagiti naibunong, nangipaay pay dagiti sumagmamano nga opisyal ti barangay ti relief goods no sadinno a nanggapu iti bulsa da.
Ti maysa nangited ket ni Konsehal Ramel dela Cruz a nangipaay ti karne ken bagas.
Innayon ni Corpuz a nagkiddaw da iti 29 relief packs para kadagiti maseknan a kabarangayan dagitoy.
