LAOAG CITY – Inbatad ni Timoteo Domingo Jr., ti chief tanod iti Barangay 1, San Lorenzo ditoy ciudad ti Laoag a nakasagana dan iti panagbantay iti panagado dagiti tattao nga agturong kadagiti kamposanto.
Segun kenni Domingo, malaksid kadakuada a 17 a tanod iti barangay da ket katulungan da pay dagiti tanod manipud kadagiti nagduduma a barangay.
Inlawlawag na a kadagiti pagserkan iti kamposanto ket adda ti panangkita da kadagiti itugot dagiti tattao tapno maliklikan a maiserrek dagiti maiparit kas iti patadem kasta met ti arak uray maibaga a maiyatang daytoy.
Malaksid iti daytoy, saan da pay nga ipalubos iti panagpatukar iti napigsa kageddan iti pananggutigot na iti publiko a sumurot amin kadagiti palagadan.
Kunana nga adda met dagiti ipan da a sign board tapno maliklikan ti nairot a trapiko ken no adda man dagiti agserra iti kalsada wenno pagdalanan ket posible a maipaayan ti ticket dagitoy.
Kabayatanna, namnamaen da nga umado pay intono bigat agingga iti Sabado dagiti tattao nangruna no nasayaat ti paniempo.
