LAOAG CITY – Agtultuloy ti pannakaiyuswat ti Oplan Dalos iti Barangay 5 ditoy ciudad ti Laoag nga idadaulwan ni Barangay Chairman Alfredo Peralta III.
Daytoy ket kageddan ti panangitandudo na ti proper waste segragation kadagiti kabarangayan na.
Maipalagip a timmaod ti reklamo seknan ti saan a panagkolektar ti garbage collector kadagiti basusa dagiti sumagmamano a balay iti nasao a barangay.
Naamoan a kalpasan daytoy a pasamak ket nangiyuswat ti taripnog kadagiti maseknan a bumarangay tapno maipakaammo ti gagem ti barangay pakaseknan ti proper waste segragation.
Inbatad na a masapol nga ummuna a mapagsisina dagiti basura sakbay a pidoten ti garbage collector.
Basar ti report, sumagmamano a balay ti saan a mangikonkonsiderar ti waste segragation isut gapo na a saan a makolektar dagiti basura da.