LAOAG CITY – Manarimaan ti pannakaamendar ti Oplan Dalus Code ditoy siudad ti Laoag.
Daytoy ket tapno ad-adda pay a mapapintas ti pannakaipatungpal ti nasao nga ordinansa.
Amin nga ordinansa a naputar manipud idi tawen 2004, 2005, 2012 ken 2023 ken mapagtitipon dagitoy babaen iti pannakaamendarna.
Naammoan a dagiti sumagmamano a maamendaran ket ti pannakainayon ti Waste Disposal and Orderliness, Agriculture and Agricultural Waste Management, Durable Segregating Scheme and Functional MRF, Collection and Transport Waste, Beautification and Orderliness, Protection of Bodies of Water, Air and Atmosphere, Energy Efficiency and Conservation ken Biodiversity and Biosafety.
Malaksid iti daytoy, agmulta dagiti aglabsing ti 1st offense ket saan a bumaba ti sangaribu a pisos ken mabailod iti saan a sumurok ti lima nga aldaw, ti 2nd offense ket saan a bumaba ti dua a ribu a pisos ken maibalod iti saan a sumurok ti sangapulo nga aldaw ken ti 3rd offense ket saan a bumaba ti tallo a ribu a pisos ken maibalod iti saan a sumurok ti 15 nga aldaw.
Mainaig iti daytoy, segun ken ni Ms. Mylene Pascual, mangidadaulo ti City Environment and Natural Resources Office ditoy siudad ti Laoag, babaen iti daytoy a gannuat ken ad-adda pay a maprotehiran ti Padsan River ket maliklikan nga agdiretso ti waste water iti karayan.
Inbatadna nga iti agdama a nupay adda ti manarimaan a maar-aramid a septic tank flood ket masapol ti dakdakkel ngem kasapulan ti accreditation ti Department of Environment and Natural Resources Office.
Inlawlawagna a no maipasa ti ordinansa ket posible a matungpal daytoy a banag.
