LAOAG CITY – Naiskedyul ti korte ti Quezon City ti oral arguments iti kaso a grave threats kontra ken ni Bise Presidente Sara Duterte gapu iti kontrobersial a rakurakna maipapan iti pannakapapatay ni Presidente Ferdinand Marcos Jr., ken dua pay.
Basar iti Quezon City Regional Trial Court Branch 98, maangay ti hearing ken oral arguments inton Agosto 20, iti alas 8:30 ti bigat.
Tallo a kaso ti grave threats ti naipila kontra iti Bise Presidente.
Immun-una nga inbatad ti Department of Justice a nangipila iti kaso iti babaen ti Article 282 ti Revised Penal Code, kagiddan ti Cybercrime Prevention Act.
Mainaig iti daytoy, kiniddaw ti kampo ni VP Sara a maikkat ti kaso, s maipagarup a gapu iti kinakurang ti hurisdiksion ti korte.
Segun iti korte, impatalged ti Bise Presidente a mabalin a nakaro ken nalawa ti epekto ti kaso iti legal system iti pagilian.
Nagtaud ti kaso iti statement ni VP Sara idi 2024, a kunana nga adda imbilinna a mangpapatay kada Presidente Marcos, First Lady Liza Araneta-Marcos ken dati a House Speaker Martin Romualdez no agtultuloy ti assassination plot kontra kenkuana.
Nupay kasta, ti Bise Presidente idi ket kinunana a dagiti panagibagana ket ”taken out of logical context.”
