LAOAG CITY – Naipasa iti maikadua a pannakaibasa na iti City Ordinance No. 13SP-2025-041, maysa nga ordinansa a pannakausar ti paset ti Laoag City Central Terminal kas Bagsakan Area para iti ikan ken dadduma pay a produkto a seafoods manipud 12:00 ti tengnga iti rabii agingga 7:00 ti bigat nga addaan iti kaibatugan a bayadna.
Inlawlawag ni Sang. Panlungsod Member Enrico “Kiko” Ang a datin a maus-usar daytoy sipud pandemic kas bagsakan ti ikan ken nangaramid laeng iti ordinansa na tapno agbalin a legal.
Kunana a dakkel a tulong a daytoy a mapastrek ti lokal a gobierno gapo ta dagiti bayad da ket agserbi kas pangmanehir iti nasao a lugar
Inbatad na nga adda pay dagiti naidesignar nga smoking areana ken dadduma pay.
Innayon ni Ang nga idi naiwayat iti public hearing na daytoy ket sangsangkamaysa met a inaprobaran iti konseho ken adda laeng dagiti sangkabassit a rebisyon na tapno napinpintas met laeng iti pannakaimplementar ti nasao nga ordinansa.
