LAOAG CITY – Inaprubaran ti Sang Panlalawigan iti third ken final reading ti maysa nga ordinansa seknan ti pannakaipawil a maikkan ti nagan ken ladawan dagiti proyekto ti gobierno ditoy probinsya.
Malaksid ti daytoy, nailanad pay iti ordinansa ti pannakaipawil a maikkan ti ladawan ken nagan dagiti behikulo ti gobierno.
Ti nasao nga ordinansa ket naadaptar manipod iti “anti-epal Law” a linteg national.
Naamoan a 10 a kameng ti Sang Panlalawigan dagiti pimmabor ti nasao nga ordinansa.
