LAOAG CITY – Naaprobaran iti maikatlo ken maudi a pannakaibasana ti maysa nga ordinansa para iti pannakaipaay ti amnestiya iti maikadwa a bansada dagiti Tricycle-for-Hire ditoy siudad ti Laoag a nagilako wenno nangiyakar ti franchise na.
Basar iti Chairman ti Committee on Transportation ditoy ciudad, adda ti 33 nga aplikante a nakakumpleton kadagiti dokumento a kasapulan tapno agbalin a kualipikado iti nasao nga ordinansa.
Immuna nga inpakaammo ti chairman ti nasao a komite a sumurok-kumurang a 220 dagiti nagaplikar tapno maipaayan da ti amnestiya wenno pammakawan gapu iti panangilako wenno panangiyakar da ti tricycle franchise da ditoy ciudad.
