LAOAG CITY – Naaprobaranen ti ordinansa para iti pannakaipawil ti saan nga otorisado a panaglako iti pharmaceutical products ditoy siudad ti Laoag.
Segun kenni Presiding Officer/ Vice Mayor Rey Carlos Fariñas, gagem ti nasao nga ordinansa a protehiran ken ipakaammo ti health-related rights ti tunggal umili.
Inlawlawagna a dagiti laeng licensed pharmacies, drugstores, botika, ken dadduma pay nga FDA-authorized outlets, nga addaan ti licensed pharmacists babaen iti Republic Act 10918, ti mabalin nga aglako kadagiti pharmaceutical products a kas iti agas, ointment, creams, vaccines ken dadduma pay.
Inpasingked na iti sangsangkamaysa a panagtitinulong babaen iti pudno ken usto a pannakaipatungpal ti nasao nga ordinansa tapno malapdan ti unauthorized a pannakailako kadagiti kasapulan para iti salun-at.
Innayon na a babaen iti nasao nga addang iti konseho ket masigurado a saan a mairisgo iti salun-at iti tunggal laoagenous.
